BUN-OG ang nahiagoman sa usa ka bayot dihang giayo kini og kulata sa public utility jeepney driver human siya “gi-blow job” nga tulog ug wa pa gyud mibayad alas 2:30 sa kaadlawon, Lunes, Disyembre 31, sa Peoples Village, Maa, Davao City.
Mireklamo sa Talomo Police Sation ang usa ka alyas Mario, 29, ug iyang gidala ang bayot nga mi-blow job kaniya nga si alyas Jomar, 21, silingan ra sab sila.
Una niini, nag-ayo sa unit nga iyang gimaneho si Mario sa dihang nakig-tagay kini uban sa iyang barkada human og ayo sa sakyanan.
Mga alas 6 sa gabii, miagi si Jomar ug misagol og inom kanila kinsa nagpasalig nga mopalit kini og beer kung mahurot na ang 'hard' nga ilang gitagay.
Dugang niini, nga mihunghong pa si Jomar kang Mario nga kung mahuman sila, “mu-blow job” kini ug bayaran siya.
Apan sa dihang mga alas 12:30 na sa tungang gabii, hubog na kaayo si Mario samtang miuli na sab ang barkada niini.
Sa kahubog ni Mario diha na kini nakatulog sud sa jeep ug didto gihina-hinay og abli ni Jomar ang zipper ug brief ni Mario ug nahitabo ang “pag-blow job.”
Giingong nakamata dayon si Mario ug dali kining mitindog ug giayo og kulata si Jomar kay nalagot sab kini human nagpasalig nga mopalit og ilimnon apan wala kini mahitabo, ingon man wala mibayad sa “blow job” dihang gipaninglan na.
Hinuon pag-abot sa Talomo Police Station nagkasinabot ang duha, apan gusto ni Mario nga mag-abot sila sa Barangay Maa aron didto sila subli nga husayon.