PADAYON ang training sa San Miguel Beermen alang sa ilang kampanya sa 44th season sa PBA apan wala ang ilang labing mga sinaligan.
Ang Beermen management nitugot nga makapahuway og insakto sila si June Mar Fajardo, Christian Standhardinger, Arwind Santos, Alex Cabagnot, Marcio Lassiter ug Chris Ross ug ugma pa kining pabalikon og praktis.
Ning maong petsa sab mosugod og ensayo ang bag-ong sakop sa Beermen nga si Terrence Romeo.
Gipasabot ni coach Leo Austria nga angayan lang hatagan og saktong pahuway ang iyang mga pambato tungod sa grabeng kahago niini sa miaging season unya mingduwa pa sab kini sa Team Pilipinas. ESL