BISAN gikuha og balik sa Team Pilipinas si naturalized player Andray Blatche alang sa importanteng kampanya niini sa 6th window sa FIBA World Cup Asian qualifiers karong Pebrero, gipang-apil gihapon ni national coach Yeng Guiao sila si Stanley Pringle ug Christian Standhardinger sa national training pool.
Sagol Pinoy man tuod ang dugo nila ni Standhardinger ug Pringle apan malista ra kini nga naturalized players kon moduwa kini sa Team Pilipinas tungod kay wala man kini nakakuha og Philippine passport sa wala pa kini nag-edad og 16 nga maoy gikinahanglang dokumento sa FIBA.
Unya sa balaod sa FIBA, usa ra ka naturalized player ang makaduwa sa matag partisipanteng nasod.
Nagpasabot nga dili puwedeng magdungan nga makapaita og kasiyon sila si Blatche, Standhardinger ug Pringle sulod sa usa ka duwa. ESL