NAGSUGOD ang San Miguel Beermen kagahapon alang sa ilang kampanya sa Philippine Basketball Association (PBA) 2019-20 season apan wala ang ilang gilauman nga si Terrence Romeo, kinsa maoy labing bag-o nilang sakop.
Hinuon nanunga na ang naandang mga pambato sa Beermen nga sila si June Mar Fajardo, Marcio Lassiter, Alex Cabagnot, Arwind Santos ug Chris Ross human kini gihatagan sa management og mas taas nga pahuway.
Gipasabot ni team manager nga si Gee Abanilla nga ilang gisugyotan si Romeo nga motunga na karong adlawa sa pagpadayon sa ilang ensayo.
Wala sab nakatunga ang laing sinaligan sa Beermen nga si Fil-German Christian Standhardinger. ESL