GIINGONG naka-P800 million pa lang ang kinatibuk-ang kita sa Metro Manila Film Festival (MMFF) 2018 ug medyo layo pa sa ilang target gross nga P1 billion.
Ang MMFF matapos na karong Lunes, Enero 7 ug hangtod ning pagsuwat padayong nag-una ang Fantastica nga dunay kita nga P400-M base sa Instagram post ni Vice Ganda.
Nakutlo usab sa Pep.ph gikan sa Facebook page nga Philippine Box Office, nga naka-P200-M ang Jack Em Popoy: The Puliscredibles, samtang almost P100-M ang Aurora ni Anne Curtis.
Ikaupat ang Mary, Marry Me nilang Toni Gonzaga ug Alex Gonzaga sa box-office ranking, ug ikalima ang Rainbow’s Sunset.
Padayong nangiwit ang One Great Love (Kim Chiu), Girl In The Orange Dress (Jessy Mendiola), ug Otlum. (B)