DAGHAN ang naintriga sa nikatap nga litrato ni 2018 Miss Universe Catriona Gray nga kauban ang aktor nga si Sam Milby nunot sa Bag-ong Tuig.
Lakip sa mga comment niingon nga “Mag-ingat ka kay Ace” nga maoy pangan ni Sam Milby sa palikero niyang karakter sa teleseryeng “Halik.”
Apan duna say nanalipud nga mao kunong nag-uban si Sam ug Catriona kay pareho sila og management nga mao ang Cornerstone ug pareho sad kuno ni sila og bible church.
Si Catriona nibalik na sa New York niadtong Enero 2 human nagselebrar sa iyang Pasko ug Bag-ong Tuig sa Pilipinas. (B)