DAGHAN gayud ang nakabantay nga angayan kaayo si Angelica Panganiban sa role nga kontrabida.
Kahinumduman nga gihatagan si Angelica og award nga Villain of the Year sa 1st Supreme to the Extreme Awards sa Philippine Star tungod sa role niyang Scarlet sa Iisa Pa Lamang.
Karon, si Angelica, mobalik sa telebisyon isip bida-kontrabida ug mas sexy alang sa role niyang Rubi.
Ang seryeng Rubi, usa ka remake sa Mexicanovela, mao ang puli sa timeslot sa PBB Double Up sugod sa adlaw'ng Lunes.
Anyway, sa bonggang presscon sa Rubi, nisayaw og Latin ang mga bida sa serye nga sila Diether Ocampo, Jake Cuenca ug Shaina Magdayao.
Super sexy si Angelica sa iyang red dress diin halos makita na nimo ang iyang dughan.
Daghan ang nagsulti nga mamahimo na niyang ma-itsapuwera si Marian Rivera kung paggiling ang hisgutan.
Si Marian, unang nailhan tungod sa iyang kamaayong mogiling sa Marimar kaniadto nga remake sab sa Mexicanovela with the same title.