Ang Philippine Society of Traditional Medicine Inc. (PSTAMI) nagpahayag nga makigkita sila sa punoan sa Committee on Health sa City Council sa siyudad sa Davao.
Human gisupak sa duha ka mga doktor ang promosyon sa mga food supplements isip herbal products, naglaraw ug pakigkita ang PSTAMI sa mga nagreklamong doctor.
"Actually, we are planning to organize a meeting and we are going to invite Councilor Samuel Bangoy and our organizer Councilor Peter Lavina to discuss and clarify everything," ni PSTAMI vice chairperson Dr. Danny Debulgado sa Superbalita niadtong Miyerkules.
Siya nagsulti nga makigtagbo sila sa maong mga opisyal aron hisgotan ang mga butang nga gilatid sa Republic Act 8423 kun Traditional and Alternative Medicine Act ng naila nga Tama Law.
"Daghan pa sa atong mga doktor ug opisyales sa gobyerno nga wala masayud sa Tama Law mao nga amo kining hisgotan," dason ni Debulgado.
Ang pahayag ni Debulgado miguwa human nabalita nga nagreklamo nga Suzette Quiaoit-Alegarbes ug Francis Ho nga apil sila sa grupo sa "medical society" nga wala kauyon sa mga local advertisements nga nagkanayon nga ang mga food supplements maka-ayo og balatian atol sa Kapihan sa SM media forum.
"These advertisements expressly claim that medically approved drugs can be replaced by food supplements in curing diabetes and other fatal ailments. But the fact that there are indications on their containers that it has "no approved therapeutic claim" means it has not been approved as a herbal product," ni Quiaoit sa mga tigbalita.
Samtang gisulti ni Ho nga moagi pa sa taas nga proseso ang pag-aproba sa mga herbal products.
"Not being approved by BFAD (Bureau of Food and Drugs) means it has no proven effects, has not undergone rigorous studies and experiements," suma ni Ho.
Mga opisyales PSTAMI nagbutyag nga ilang gibantayan ang tanang commercial advertisements sa ilang mga miyembro.
"We are monitoring all media personalities because we police our rank. Gipaniguro namo nga ang among mga miyembro dili makahimo og dili maayo nga advertisement," suma ni Debulgado.
Ang grupo mipasar sab og resolusyon sa City Council niadtong Oktubre paghangyo nga mopanday og ordinansa nga mag-regulate sa promosyon sa mga food supplements isip herbal medicines.
Ang resolusyon kasamtangang anaa sa unang pagbasa ubos sa Committee on Health sa konseho.
"Wala man mi gipatawag sa unang committee hearing sa City Council mao nga wala namo napasabot ang among side," pahayag ni Dr. Jofre Laguit sakop sab sa PSTAMI sa Supebalita. (AD)