SA nangagi niyang mga away, sukad masukad wala mobahad og knockout si Manny Pacquiao ngadto sa iyang mga nakontra.
Apan sa iyang pagpakigbatok kang African-American Adrien Broner karong Enero 19 sa MGM Grand Garden sa Las Vegas, USA, tataw nga gusto sa Pambansang Kamao sa Pilipinas nga makaposte og eksplosibong kadaugan sama kaniadto.
Human sa dugay nga panahon, namugna ni Pacquiao ang labing una niyang knockout nga kadaugan niadtong Hulyo sa imaging tuig batok kang Lucas Matthysse.
Apan dili kuntento si Pacquiao niini, tinguha niyang mas bangis pa nga kadaugan ang iyang mahimo ngadto kang Broner, kinsa mosuway pag-ilog sa iyang World Boxing Association (WBA) welterweight title.
Sa wala pa niya napaundang si Matthysse, si Pacquiao sulod sab sa siyam ka mga tuig nga wala naka-knockout sa iyang kontra nga sukwahi sa iyang reputasyon nga us aka bangis nga knockout artist.
Gitataw ni Pacquiao nga wala siya’y kaligutgot kang Broner apan gusto lang niyang ipakita nga aduna pa siya’y igong kusog taliwala sa iyang edad nga 40. ESL