KUNG paseksihay ug hitsura adunay gyod ikapasigarbo si Grace Falconer nga pambato sa lungsod sa Medina.
Kini human miharbat og titulong Best in Swimsuit atol sa bag-o lang natapos nga Swimsuit competition sa Lohas Hotel, lungsod sa Laguindingan, Misamis Oriental.
Gipilde ni Falconer ang 19 ka mga kandidata nga seksi sab nga nagpakita sa ilang mga kurba ug kapatsada sa lawas sul-ob ang swim wear nga desinyo sa fashion designer nga si Bea Bianca kinsa nagsilbi niadtong tungora nga chairman of the board of judges.
Kauban nga mga hurado sa kompetisyon gilangkoban nila ni Cagayan de Oro Councilor Lordan Suan, Miss Cagayan de Or 2018 Katrina Acaylar, Mr. Teen Philippines Joshua Helito, ug Manny Agustero sa Magnum Radyo.
Matud ni Falconer nga kaniadto insecure siya sa iyang lawas apan sa iyang kadaogan nakatabang kaniya sa bout mahitabo niya sa iyang kaugaling.
“I feel really amazing because as you can see there are 20 beautiful candidates. Before I used to be so insecure with my body but winning the best in swimsuit it helps me that you can be anyone you wanted to be, you can be the best only if you work hard enough.” Matud ni Falconer.
Gibutyag sab niini nga ang pagbalanse sa iyang oras ang usa sa dakong hagit sa iyang pagsalmot gumikan kay kinahanglan sab siya magpahigayon og saktong ehersisyo.
Saktong diyeta ug pagkaon sa maayong nutrisyon nga pagkaon maoy dako og tabang aron ma achieved ang seksi nga lawas.
Atol sa kalihokan mihatag sab sa iyang mensahe si Misamis Oriental Governor Yevgeny Vincente Emano ug mapasalamaton sa pagsalmot sa mga kandidata hilabina dili tiaw ang pagrampa diha taliwala sa daghang katawhan.
Lakip sa iyang gipasalamatan ang mga ginikanan nga anaa nagsuporta sa ilang mga anak niining kompetisyon.
Daw sayod sab siya nga naglisod ang mga hurado sa pagpili kinsa ang mogawas nga the best atol sa kompetisyon.
Ang coronation night gikatakda sa Enero 10 sa Tagoloan Dome, lungsod sa Tagoloan, Misamis Oriental.