BP-Mindanao qualifying himuon sa DavNor

BAYNTE ka mga nagkadaiyang duwa sulod sa Batang Pinoy 2019 Mindanao Qualifying Leg nga gitakda sa Pebrero 3 hangtud 9 sa probinsiya sa Davao del Norte.

Apan kasagaran sa mga duwa mahitabo sa Davao del Norte Sports and Tourism Complex sa dakbayan sa Tagum.

Mga duwaon sa regional qualifying mao ang Archery, arnis, athletics, badminton, baseball, basketball, boxing, chess, dancesports, futsal, karatedo, lawn tennis, pencak silat, sepak takraw, softball, swimming, table tennis, taekwondo, indoor volleyball ug beach volleyball.

Apan ang mga duwa nga tigian og maayo nga mohatud ngadto sa national championships naglakip sa cycling, gymnastics, judo, Muay Thai, rugby football, triathlon, weightlifting, wrestling ug wushu.

Ang torneyo, gipasiugdahan sa Philippine Sports Commission (PSC), himuon human sa Davao Region Athletic Association (Davraa) Meet 2019 nga gitakda sa Davao City sa Enero 27 hangtud Febrero 2, pagbutyag ni Maria Ines Asuncion.

Si Asuncion, Department of Education (DepEd) Davao City Schools Division superintendent, mibutyag niini sa usa ka memorandum pinetsahan og Disyembre 27, 2018 ug gi-address ngadto sa mga public schools district supervisors, cluster heads, secondary school heads ug elementary school heads sa pampubliko ug pribadong tulunghaan.

Si Giovanni Gulanes, Davao del Norte provincial sports coordinator, sa paghinabi sa Facebook kagahapon, nagsulti: “No overlap with Davraa Meet.”

Giklaro ni Gulanes nga ang pre-Batang Pinoy Mindanao nga kalihukan nahan-ay na. Ang fun run alang sa non-Batang Pinoy nga partisipante nag-edad og 15 anyos ug paubos gitakda sa Enero 30.

“A refreshers course is set on February 2, solidarity meeting on February 3 in the morning and Holy Mass at 2 p.m. before the 3 p.m. assembly for the opening parade. In the evening will be the Governor's Night. The games proper will start on February 4,” tin-aw ni Gulanes.

Dunay serye sa mga panagtigum ang himuon, matud ni Gulanes, aron nga pakusgan ang preparasyon alang sa paglusad sa Batang Pinoy Mindanao. (Marianne L. Saberon-Abalayan)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph