MIPADAYAG og simpatiya si Gretchen Barretto ngadto sa kanhi business partner ni Kris Aquino nga si Nicko Falcis nga gikiha og qualified theft sa actress/TV host.
Sa Instagram account ni Gretchen, gi-post niini ang screenshot sa titulo sa artikulo kabahin sa pagbulgar ni Nicko mahitungod sa bahad ni Kris ngadto kaniya.
“Nicko Falcis swears Kris Aquino said: ‘PAPAPATAY KA NG PAMILYA KO,” titulo sa artikulo nga nigawas niadtong Enero 4 sa PEP.ph (Philippine Entertainment Portal).
Gisundan sa caption ni Gretchen: “I feel for mr. Nicko Falcis after reading this article. I salute him for his courage to speak the truth , fight for his family name & reputation inspite of the threat to his life No to bullies!!!! STOP POWER TRIPPING.”
Apan usa ka netizen nga nagdala sa handlename nga Fattie Llaguno mikomento sa post ni La Greta nga nagkanayon: “Look who’s talking. You’re a bully yourself Gretchen, parents mo binully mo sa The Buzz, hiniya mo nang husto, wala kang respeto sa kanila. Buong pamilya mo kalaban ka kasi masama ugali mo porke nakasandal ka sa pader. Nakisawsaw ka lang kasi hindi ka tanggap ng mga Cojuangco.”
Sa maong kalambuan, gituohan nga adunay dakong giyera ang mahitabo tali sa duha ka socialite. (B)