Dear Papa Joe,
Tagua lang ko sa ngalan nga Fair, 35 years old, minyo ko ug duna koy usa ka anak nga karon 7 year old.
Ana ni ang akong problema mahitungod sa akong bana. Dili siya Pinoy, medyo edaranHe is 50 years old now. Abi mo kining akong problema dili ni angay ipadala pero namasin lang ko nga imo kong mahatagan og idea.
Ani Papa, kami sa akong bana wa mi anang sex kay kay kon mangutana ko sa akong bana bahin ini, moingon lang siya don’t worry. Hangtud niabot mi ani nga gidugayon. Hapit na mag 8 years old akong anak, pero wala jud na mahitabo. Nisabot lang ko niya kay basin gikapoy siya. Mao nay pirme namo awayan. Usahay makaingon ko nga duna siyay laing babaye kay kay usahay mauli siya 3 am na sa buntag. Magdako among away. Ako siyang ingnon magbuwag mi, dili man lang motubag. Likayan man ko.
Gilaay ko, Papa Joe, mao nag-internet ko. Duna koy nakaila nga taga laing lugar. Just a friend lang, pero niuli ko diha sa ato sa Cebu. Akong ka chat mate nianha sa Cebu. One night and day lang siya. Unsa ba hinuon nga nanguyab man hinuon siya nako. Tungod siguro kay dako og pagkulang akong bana, dunay nahitabo namo. Abi nako kung wala lang to nako kay palabay lang to sa sa kamingaw. Naunsa ba nga nagpadayon ang among communication by internet kay ningbalik na man ko sa gawas.
Pangutana, dako ba ning sala? Na-feel nako nga love nako ang akong chat mate. Please advice me. Sorry, Papa Joe, kon nataas ang akong sulat nimo.
FAIR
Fair,
Dili ko maka blame nimo kay lagi tawo lang ta. But remember always unsay purpose sa kaminyuon. Is it all about sex? Though sex plays a major role sa kaminyuon, angay sad nimo huna-hunaon ang mga aspects ngano nahitabo ni. Not just concluding nga naa siyay lain, he could be frustrated also nga dugay siya mouli kay he knows dili siya ka deliver sa iyang obligasyon pagka bana. Maybe he needs help nga tan-aw niya murag wala ka makatabang. Maybe usa na siya karon ka impotent.
Ang imong gibuhat kay sala gyud na siya sa pagpangluib, morally, sa imong bana ug sa Ginuo. Pero dili pa ulahi ang tanan. Pagtarong na.
PAPA JOE
(sa inyong tampo ipadala lang sa papajoesuper@gmail.com)