LABING una nga real estate fair gihimo sa usa ka dakong mall sa dakbayan sa Mandaue.
Ang Habitat for Humanity Philippines nga gihimo sa Pacific Mall sa Mandaue niadtong Disyembre 10-16,2018.
Ang Habitat for Humanity usa ka housing organization nga nagsugod sa nasod tuig 1988 para mahatagan og maayong serbisyo ang mga pamilyang nangita og barato nga panimalay.
Ang maong real estate fair usa sa ilang mga selebrasyon para sa ilang ika-30 ka tuig nga anibersaryo ug usa sab kini ka partnership sa habitat for humanity, Pacific Mall ug VICSAL Foundation.
Giapilan kini sa mga nagka lain-laing mga property developers sama sa AboitizLand Inc., Mandani Bay, Priland Development Corporation, Amaia Lan Corporation, Softouch Property Development Corporation, Primary Homes Inc., Eastland Property ventures Inc., and Orchard Property Marketing Corp.
Usa sa bahin sa programa mao ang pag presentar sa Vicsal Fundation sa coin banks aron maipakita ang ilang padayong suporta sa Habitat Philippines.
Matod ni Jose D. Rosel Jr., Habitat for Humanity Resource Development Manager nga adunay sila’y daghang maanindot nga programa ug aktibidad.
Usa na niini ang Habitat Young Leaders Build and Leadership Academy, nga tumong mao ang pag agni sa mga kabatan-onan nga mutabang sa ilahang komunidad pinaagi sa pagtabang sa pagtukod sa balay ug uban pang aktibidad nga mahimong dakong tabang para sa ilang kaugailongong komunidad.
Mutabang sab ang Habitat for Humanity Philippines sa mga naapektuhan og mga kalamidad pinaagi sa paghatag og mga materyales nga gamit para makatungod og bag-ong panimalay, mga emergency shelter kits, house repair kits ug uban pa.
Abli sab kini sa mga gustong mo volunteers nga gustong makatabang sa kaayuhan sa ilang komunidad, pinaagi sa pagtabang og tukod sa balay.
Aduna sab sila’y gipahigayon nga “raise awareness and advocate” seminar aron mahisgotan ug masolbad ang mga housing deficit.
Sa Habitat for Humanity Philippines mamahimong mo ambag ang tag-iya sa balay mahitungod sa pagtukod niini, usa kini sa programa sa habitat. (Kiziah Marie Suello, USJ-R Intern)