Editorial: Kinahanglan nga molihok

KINI na ang panahon aron ipatuman sa gobyerno sa paagi nga paspas ug epektibo ang gitinguha niining mga programa subay sa paghinay sa inflation rate niadtong Disyembre 2018.

Sa usa ka pahayag, giingon ni House Speaker Gloria Macapagal-Arroyo, nga kini ang pamaagi aron makahimo og resulta nga masinati sa katawhan.

“The focus must now be on implementing things quickly and efficiently, in all fronts. This is consistent with some Cabinet members’ call for vigorous implementation of the government’s infrastructure program,” ingon ni Arroyo.

Una niini, gibutyag sa Malacañan nga ang paghinay sa pagtaas sa presyo sa mga palaliton ug serbisyo bunga sa mga inisyatibo sa administrasyon sa mga nangaging mga panahon.

Subay sa Philippine Statistics Authority (PSA), dako ang nahimong papel sa paglihok sa presyo sa pagkaon, ilimnon ug transportasyon sa nasampit nga resulta.

Kini ubos gikan sa 6.0 percent inflation niadtong Nobyembre ug 2.9 percent niining Disyembre 2017.

Kung mihinay ang pagsaka sa presyo, malipay sab ang katawhan aron di mabug-atan sa badget, pero molugdang sab kini sa paghinay sa paghatud og mga serbisyo.

Sa laktud, ang pagpatuman sa second trench sa Tax Reform for Acceleration and Inclusion (Train) law makatabang kini sa pagpaspas sa serbisyo ngadto sa katawhan.

Kay mahitabo kini karong bulana, lagmit daghan kaayo ang magbagutbot sa pagtaas sa plitehan kay mitaas man sab ang presyo sa gasolina ning second trench sa Train law, di lang gasolina, apan sa mga nag-una sab nga mga palaliton.

Ang maayong kasulbaran sa problema, ang pagdugang og mga patrabaho sa gobyerno aron di malisod og budget ang katawhan luyo sa hingpit nga pagpatuman sa Train law sa nasud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph