Broner matikangkang

MINNEAPOLIS, Minnesota, USA--Kaabtik ug kakusog sa kumo ni Pinoy boxing superstar ug world champion Manny “Pac-Man” Pacquiao maoy makapalukapa kang American challenger Adrien “The Problem” Broner.

Kini ang pangagpas ni kanhi WBC flyweight world champion ug karon Japan-based Malcolm Tunacao, kinsa lumad nga taga Cambaro, Mandaue City, sa online interview sa Superbalita.

“Kining kombinasyon ni Senador Manny (Pacquiao) nga dili nimo makita apil na iyang left hook nga kalit kaayo ug mao ni makaigo ni Broner di na ni kabarog,” matod ni Tuñacao kinsa nagtuo nga mahuman ang away sa walo ra ka round.

Gidugang ni Tuñacao nga ang unique nga style ni Broner mao ra ang gisaligan sa Cincinnati, Ohio boxer apan di kini makasarang sa kusog sa fighting senator.

Ang Pacquiao-Broner Championship ipahigayon karong Enero 19, 2019 Sabado (Dominggo sa Pilipinas) sa Gambling Capital of the World Las Vegas, Nevada, USA pinaagi sa TGB, Mayweather, MP ug About Billions Promotions nga isalida sa Showtime Pay Per View.

Si Tuñacao usa lang sa tulo ka mga sikat kaniadto nga gitawag nila nga “Golden Boys of Cebu Boxing” diin naglakip nila ni kanhi OPBF Welterweight King Rev “Gentle Giant” Santillan ug former OPBF lightweight champion Randy “Kumong Bato” Suico nga misulod sa pagka professional boxer sa dekada 90. (Daniel Quindao Guden, US Correspondent)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph