NAGTINGKAGOL sa prisohan ang usa ka last-2 digits coordinator ug tulo ka kaubanan niini nga gituohang mga usher.
Malampuson ang operasyon sa hiniusang pwersa sa Regional Mobile Force Batallion ug Talomo Police Station, Lunes sa buntag, Enero 7, sa San Isidro, Shrine Hills, Matina Davao City.
Giila ang mga dinakpan nga sila Edwin (bansagon gitago), 32, last-2 digits coordinator, residente sa Barangay Matina Pangi, ning dakbayan.
Sikop sab sila Judito, 53-anyos, Teresita, 61, ug Banaag, 26, mga residente sab sa dapit.
Nakuha gikan sa ilang posisyon ang ubay-ubay nga mga gamit sa pagpataya ug last-2 digits apil na ang pusta nga P5,340.
Temporaryo’ng gikustodiya ang mga nahisgutan, apan sa pagsulat ning balita giingong nakapiyansa sila alang sa ilang temporaryong kagawasan.
Sumala sa kapulisan nga wala sila'y palapason ug pangdakpon gyod ang mga nagpahigayon og iligal nga sugal sa komunidad.