“WE HAVE successfully launched our Dive Tourism in Misamis Oriental.”
Kini ang pahayag ni Department of Tourism (DOT)-Northern Mindanao regional director Marie Elaine Unchuan atol sa mensahe niini sa nagpadayong Kuyamis Festival.
“The presence of pristine coral reefs and mountains even numerous sightings of our whales sharks, dolphins and marine life is a testament to how clean and healthy our eco-tourism system is,” paghulagway ni Unchuan sa kadagatan sa Misamis Oriental usa sa rason nga perpekto kini nga mahimong diving site.
Anaa na usab sa listahan sa dive site sa nasod nga usa sa rason nganong misaka ang dive tourism arrival sa lalawigan.
“Our dive sites in the province is main feature in the recently concluded international dive resort travel show in Manila putting Misamis Oriental in the prefered list of dive destination in the country that’s increasing our dive tourism arrival,” dugang ni Unchuan.
Samtang suportado kini nga kalamboan ni Misamis Oriental Governor Yevgeny Vincente Emano hilabina nga kalamboan kini sa turismo sa lalawigan.
Gibutyag niini nga ang area sa Medina paingon sa Gingoog ang gikonsidera nga dive site sa este nga bahin sa Misamis Oriental samtang sa Laguindingan o Macajalar bay ang gilantaw nga dive site sa weste nga bahin sa probinsya.
Kun nagkinahanglan man og pundo alang niini andam si Emano nga suportahan kini ug buboan og pundo labina nga mohatag kini og dako nga impak sa ekonomiya sa lalawigan gawas pa nga mahatagan ang Misamisnon ug dugang panginabuhian.