GITUG-AN ni Police Regional Office- Central Visayas Director Debold Sinas nga sakto sa oras nakasugod ang "Walk with Jesus" karong adlawa alas 4 Huwebes sa buntag, Enero 10, bisan pa sa kadaghan sa tawo.
Kini hinungdan nga alas 5:30 sa buntag nasugdan ang unang misa nobenaryo.
Ang mga nisalmot kasagaran mga bata gani anaa pay mga masuso nga gikugos. Ang uban anaa sa stroller nga kuyog sa ilang mga ginikanan, pamilya, ug barkada. Anaa usab mga hamtong ug mga tiguwang ang nikuyog sa pipila ka kilometro nga prosesyon.
Kadaghanan sab ang nagbitbit sa ilang tagsa-tagsa ka imahen sa balaang bata, Senyor Sto. Niño, nga gikaway- kaway dungan sa pagkanta sa Bato Balani sa Gugma.