“IPA-MEDICAL siya kon na-rape ba gyod nako siya,” hagit sa 32 anyos nga driver sa motorized sikad nga giakusahan nanglugos sa 15 anyos nga minor de edad sa lungsod sa Tagoloan, Misamis Oriental.
Ang driver sa motorized sikad nga si Eddie Boy Gabe ang giakusahan sa menor de edad nga bata itago sa ngalan nga Reyna ang niingon nga udto niadtong adlaw’ng Miyerkules, Enero 9, iyang gi pick-up human nipara si Reyna.
Nakigsulti kini kaniya ug daw mihisgot sa uyab niining naa daw sa Cagayan de Oro dihang nagpahapit kini sa ilawom sa punoan sa kahoy.
Nangutana pa kini kaniya kon minyo na ba siya. Iya sab kining gitubag og insakto nga pamilyado siya.
Dihang gibati siya og kakulba iya kining gihatod sa Barangay Sihayon apan pila ka oras ang nilabay daw gidakop na dayon siya sa mga polis ug gibalhog sa prisuhan.
Kini human nagreklamo ang menor nga gilugos siya niini.
Ang menor de edad disidido nga mopasaka og kaso niini apan hugot nga gihimakak sa driver nga gihimo kini.
“Unsa naman hinuon ni, gipasanginlan naman ko pag-ayo nga wala man koy gibuhat niya. Magpa medical siya kon positibo ba ang resulta,” matud pa niini.
Imposible sab matud pa nga mahitabo kini nga daw daghan tao sa dapit.