NAGMALAMPUSON nga gipahigayon ang Be Intimate with God (BIG) Days Sportsfest sa Pope John XXIII Seminary Gymnasium niadtong Disyembre 30, Lunes.
Kapin sa 250 ka mga pastisipante ang miapil sa maong kalihukan diin naglangkub kini sa mga recovering addicts gikan sa nagkadaiyang residential facilities ug community-based groups inubanan sa ilang mga pamilya, charismatic groups, ug volunteers.
Mao kini ang unang higayon nga gihimo ang sportsfest nga gi-organisa ug gipangulohan sa Surrender to God (SuGod), Family and Recovery Management (FARM), ug Charismatic Communinities (ACCCRS).
Pipila sa mga support services nga gihatag ngadto sa mga recovering addicts naglakip sa legal services, family counseling, HIV testing, mental health consultation, ug uban pa.
Ang BIG Day usa ka binuwan nga panagtigom sa mga recovery communities ug support groups nga gisugdan niadtong Agusto 2018. Fe Barino