Super Suroy: Ari na sa Anjo World

Anjo World. Ang theme park bukas na sugod niadtong Disyembre 2018. (Hulagway kuha ni Arni Aclao)
Anjo World. Ang theme park bukas na sugod niadtong Disyembre 2018. (Hulagway kuha ni Arni Aclao)

WAY gipili nga edad ang bag-ong kalingawan nga naa sa lungsod sa Minglanilla, Cebu. Kini ang Anjo World Theme Park.

Ang theme park adunay rides sama sa Carousel, Space Shuttle, Tower Drop, Viking, London Taxi Bumper Car, Teacup ug Frog Jump nga siguradong makapalipay sa mga bata ug sa mga feeling bata.

“This is the country’s first ever family-oriented entertainment complex and this is the Belmont Group’s way of saying thank you to those who have been supporting them and also giving back to the locals something different,” matod ni Cedric Reyes, head of sales, marketing & press relations sa Anjo World Theme Park.

Sa P450, mamahimo na kamong makakuha sa unlimited day pass sa theme park gikan sa Lunes hangtod sa Biyernes, ug P550 matag Sabado ug Dominggo.

“They can add P200 if they also want to experience Snow World instead of the usual rate of P350,” ingon ni Reyes.

Ang Snow World usa pud ka atraksyon sa lugar diin ka makasinati og sobrang katugnaw tungod sa mga ice sculptures ug di tungod sa imong crush nga wa ka tagda.

Sa pagkakaron, pito pa ka rides ang giablihan sa publiko apan gipaningkamotan nga karong tuiga makompleto ang ubang atraksyon.

Si Reyes nagkanayon nga dili sila sa edad magbase apan sa gitas-on kung mahimo bang musakay ang usa ka bata sa ride.

“Safety is our priority. We have a safety team who are trained abroad to make sure that international standards will be implemented here so that’s why were also members of the of the International Association of Amusement Parks and Attractions because they set the standards abroad,” matod niya.

Matod ni Reyes nga sulit ra ang biyahe gikan sa syudad sa Sugbo paingon sa Minglanilla tungod kay magka-bonding gud mo sa imong pamilya.

Mao nga kung gusto ka malingaw, makulbaan ug ma- thrill, mag-enjoy gud ka sa Anjo World Theme Park.

Para sa dugang detalye sa height restrictions sa rides, bisitaa ang website sa Anjo World (www.anjoworld.com).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph