SECTIONS
Thursday, June 27, 2019
SUPERBALITA CEBU

Kasal bisan sa ‘bomb threat’

Dream Church. Bisan sa hulga sa gituohang bomba nga di diay tinuod, gidayon nila ni Bernard Jay Tutor ug Hazel Ong ang ilang kasal. (Alan Tangcawan)

HUGOT nga plano ug hugot nga desisyon tungod sa pagsalig sa Kahitas-an sa usa ka pamanhunon nadayon ang kasal bisan sa hulga nga dunay mobuto nga bomba sud sa simbahan diin sila kaslon.

Naghinahinam na ang mga bisita ug kabanay nila ni Bernard Jay Tutor ug Hazel Ong samtang nagpaabot sud sa Cebu Metropolitan Cathedral aron saksihan ang seremonyas sa kasal Huwebes sa hapon, Enero 10.

Kalit sila nga naukay dihang gipadali sila og pagawas kay dunay bag nga nahibilin sa lingkoranan sud na sa tulo ka oras ug way tag-iya.

Niadtong tungora sila si Bernard ug Hazel didto pa sa hotel, wa masayod nga ang simbahan diin sila kaslon naukay diay tungod sa hulga.

Dihang padulong na unta mosulod sa gate sa simbahan, nasurprisa ang kaslunon kay di sila pasudlon kay dunay bomb threat.

“Kulba kay duol kaayo mi. Di ba?” matod ni Bernard.

Dugang saysay ni Bernard nga ang inahan ni Hazel naghilak na ug nangutana sa groomsman unsay ilang gusto ibalhin ba sa laing simbahan ang kasal.

“Dili mo-stop ang wedding. Kon kanus-a mo open ang church, mo-proceed ta sa wedding kay di ko ganahan mohunong,” tubag ni Bernard.

Matod niya ang Cathedral maoy dream church ni Hazel.

“Dayon gyud bisan naay bomb threat. Basta mosalig lang ka sa Ginuo kon unsa man ang gusto, matuman na,” dugang ni Bernard.

Gi-report sa gwardya ngadto sa kadagkoan sa Cathedral ang bag nga nahibilin tungod sa pagduda ug kabalaka nga dunay bomba ang sulod.

Sa pagsusi sa bomb squad, mga senina ug gamit ra diay ang naa sa sulod. Nadayon ang kasal bisan sa hulga.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph