SPECIAL Investigation Task Group (SITG) umolon sa Cebu Provincial Police Office nga maoy motutok sa pagpusil patay ni konsehal Reneboy Dacalos sa lungsod sa San Fernando.
Matod ni Senior Superintendent Manuel Abrugena, hepe sa kapulisan sa probinsya sa Sugbo, nga ang mangulo sa SITG mao ang deputy regional director for operation alang sa dinalian nga kasulbaran sa kamatayon sa konsehal.
Sa pagkakaron, wala pa silay matumbok nga responsabli bisan pa man nga nakatutok sila sa angulo sa drugas ug politika ang nagpaluyo sa maong kamatayon.
Si Senior Inspector Arvi Arbuis, hepe sa San Fernando police station, nitug- an nga sa iyang paglingkod isip hepe sa kapulisan sa maong lungsod nalakip na kini sa listahan sa mga nalambigit sa illegal nga drugas nga naka linya ni Franz Sabalones.
Tungod sa maong impormasyon, ila kini nga gipaubos sa Oplan Tokhang apan nagdumili matod pa kini sa oag surrender sanglit iyaha pang ikonsulta sa iyang abogado.
"Pag-abot nako diha naa na ni siya sa listahan nga naapil sa matrix ni franz sabalones mao to amo ni gi tokhang pero wala mo surrender," matod ni Arbuis.
Gipangsubay na sa San Fernando police ang mga silingang establisamento nga duol sa nahitabong pag pusil sa konsehal kung aduna bay naka montar nga CCTV camera.
Adunay usa nga naa sa Municipal Disaster Risk Reduction and Management Office apan wala kini mo andar tungod kay daot.