ANG Mandaue City Environment and Natural Resources Office (Cenro) mopagawas og rekomendasyon alang sa cease and desist order (CDO) batok sa Davao City Environmental Care Inc. (DCECI) human sa ilang nakita nga pipila ka mga environmental violations diha sa pag-process sa mga hospital waste.
Ang Mandaue Cenro ang nituyo Biyernes sa buntag, Enero 11, sa buhatan ug pasilidad sa DCECI, kini human usab nimandu si Atty. Danilo Almendras, ang city administrator, nga pa-inbestigahan.
Samtang usa sa susihon sa Mandaue Cenro kon si kinsa ang nanag-iya niadtong mga yellow plastic, nga aduna pay mga pipila ka hospital waste diha kilid sa dan padung sa Umapad dumpsite, nga kilid ra usab sa Butuanon River, nga maoy gireklamo sa mga nanagpuyo sa pikas labang sa sapa nga iya na sa Barangay Paknaan.
Gani lakip na sa mohimo og pakisusi ang Department of General Services ug Legal Department
Ang maong mga yellow plastic gihimakak sa nagdumala sa DCECI nga ilaha. Matud niini nga anaa tanan su'd sa ilang compound ang ilang mga basura.
Hinuon, nipadayag sila og kaandam sa pagsunod, kon ugaling mopagawas og CDO ang Mandaue City Government