SECTIONS
Saturday, March 23, 2019
SUPERBALITA CAGAYAN DE ORO

Gun ban magsugod na

NAGPAHIMANGNO ang Cagayan de Oro City Police Office (Cocpo) sa Commission on Elections (Comelec) gun ban nga magsugod na kini karong umaabot nga Enero 13, alang sa nagkaduol nga eleksiyon karong bulan sa Mayo.

Gibutyag ni Police Superintendent Mardy Hortillosa, tigpamaba sa Cocpo, nga bisan pa man nga martial law ug hugot nga ginadili ang pagdala-dala og armas, lahi usab ang national law nga gikan sa Comelec diin ginadili ang pagdala og armas bisan ang kapulisan nagkuha gihapon og panugot gikan sa Comelec.

“National man gud ni siya nga implementation sa Comelec, kung magdala-dala naka og armas kung tugotan ka dapat gikan sa Comelec even kami sa PNP (Philippine National Police) naa gyud mi pero normal man na siya kay ihatag man na permi sa atoa pero gakuha gyud mi,” matud ni Hortillosa.

Gidugang pa usab niini nga duna ma’y pipila nga pulitiko ang tugotan sa Comelec sa pagdala og armas ilabi na kung duna kini nadawatang mga hulga, apan ipa-ilalom pa gihapon kini sa hugot nga pagtimbangtimbang.

“Depende na, naa man gud uban politicians nga naa’y mga threat so e-evaluate sa atong Comelec pero case to case basis ra na siya,” dugang niini.

Magsugod karong Dominggo, Enero 13 hangtud Hunyo 12 ang gun ban diin ginadili ang pagdala og armas, pagkuha og mga bodyguards sa mga kandidato lakip na pagpadala sa mga armas, eksplosibo, ug uban pa.

Gisuspinde usab ang pag-isyu, pagproseso, ug paghatag og permit para makadala og armas ngadto sa kapulisan.

Samtang ang makalapas niining maong balaod posibleng mabilanggo sulod sa unom ngadto sa usa ka tuig, diskwalipikasiyon gikan sa pampublikong opisina, ug posible mawala ang katungod sa pagboto ug uban pa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!