SECTIONS
Monday, March 25, 2019
SUPERBALITA DAVAO

Tambagi ko Noy Tikyo: Babag

DEAR Noy Tikyo,

Maayo’ng adlaw. Akong suliran bahin sa akong kaugalingon. Manggiulawon ko tungod sa among kahimtang nga pobre kaayo. Unya higpit pod ang akong mga ginikanan nako kay nag-inusara kong anak nila. Mao nang magpunay lang ko og puyo sa balay kon wala koy lakwon.

Kon mo-eskuwela ko kaniadto, diretso dayon ko og uli sa balay ug way mga barkada. Mao nang hangtud karon maulawon gihapon ko bisan sa akong gitrabahoan.

Hinungdan nga kini maoy nahimo nakong babag aron nga makigsandurot sa ubang tawo.

Kini sab ang hinungdan nganong hangtud karon wa pod koy uyab. Unsay matambag nimo nako aron nga mabag-o ko, Noy? Salamat daan.

Brixton

*****

Brixton,

Di ko motuo nga you are born to be shy. Dala ra gyud ni sa imong upbringing tungod sa kahigpit sa imong ginikanan kanimo sa dihang bata ka pa.

Apan di nato mabasol ang imong ginikanan bahin niini gumikan kay duna man sab silay hinungdan kon nganong higpit sila nimo.

Di sila buot nga matumpawak ka sa kalautan busa ingon sila niini ka higpit kaniadto.

Ayaw sad-a ang imong ginikanan kon nganong naingon ka niini. Instead paningkamot nga ma-overcome nimo ang imong pagkamanggiulawon.

Nasayud ka na kon nganong naingon ka niini busa naa na nimo ang pag-initiate og mga lakang aron nga mabag-o ka. Seguro sa pagtan-aw sa uban pang mga positive traits sa imong kaugalingon. Kay pinaagi niini, hinay-hinay mong ma-overcome ang imong pagka-manggiulawon.

Nganong maulaw ka man sa mga tawo nga nakahuman ka man og eskuwela.

Degree holder ka man. Gawas pa, nakabaton sab ka og trabaho. Nagpasabot nga mas maayo ka itandi sa uban nga nangaplay kay ikaw man ang gidawat sa kompaniya. Busa there's something in you nga maingon tang “lamang” ka compared sa uban. Kini ang himoa nga sukaranan diha sa imong pagbag-o sa kaugalingon.

Gibuhat kita sa Ginoo nga managsama lang, busa way angay nga ikaulaw. Busa think positive always, apan be humble.

Noy Tikyo


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!