SECTIONS
Saturday, March 23, 2019
SUPERBALITA DAVAO

Editoryal: Tas-an ang suweldo

DI SEGURO masukod karon ang gibating kalipay sa mga magtutudlo nga sa di madugay mapun-an og diyutay ang ilang binulan nga suholan.

Dugay na kini nga gihulat sa mga magtutudlo kon diin ang uban kanila nalubong na intawon na sa utang tungod sa kapit-os sa kahimtang sa ilang kinabuhi.

Ang uban kanila, nadestino pa og lagyo nga dapit, busa sa pamasahe lang daan, mahurot na ang ilang suweldo nga kapila pa mosakay aron nga makaabot sa ilang eskuwelahan.

Di mabayran ang kahago sa ilang trabaho kay ang uban kanila pila pa ka suba ang latason ug pila pa ka bukid nga sak-on aron lang nga makahatag og serbisyo ngadto sa mga kabataan nga tua sa kabukiran.

Tinuod, trabaho sa mga maestra ug maestro ang pagtudlo sa kabataan kay wa may laing mohimo niini gawas nila. Apan sa pikas bahin, nagkinahanglan sab sila nga masustentohan ang ilang inadlaw-adlaw nga paglihok ug pamuyo.

Busa tingali og naglukso-lukso ang magtutudlo nga nakadungog sa pahayag ni Pangulong Rodrigo Duterte nga iyang patas-an ang suholan sa mga pampublikong magtutudlo karong tuiga.

Gani iya nang gipapaspasan ang mga igong dokumento alang niini kang Department of Education Secretary Leonor Briones, apil na kang Budget Secretary Benjamin Diokno.

Hinuon, wala pa gibutyag kon kanus-a gyud kini mapatuman ug pila sab ang idugang. Apan ang importante gipamulong na ni Pangulong Duterte.

Busa paabot na lang ang mga magtutudlo sa pampublikong tulunghaan sa adjustment sa ilang suweldo kay segurado kita nga tumanon kini sa Presidente.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!