SECTIONS
Monday, March 25, 2019
SUPERBALITA DAVAO

Talento: You Fool! (Una sa duha ka mga bahin)

Panlantaw

“Sutaon nato ang mga kamatuoran kung normal ba kita'g pagbati'g kahimtang o susama na ba kita sa mga ‘buang.’”

SA PAGSIMBA namo niadtong Sabado, nahisgutan ang Lukas, kapitolo 12, bersikulo 20 ug 21 diin si Hesus nagtawag sa usa ka adunahang tawo nga “fool” kung “buang.” Good day diay, kaninyo mga higala!

Dili ko Sabadista apan nagasimba sa adlaw'ng Sabado kay traffic man god sa Davao, migo, unya daghan kaayo'g tawo sa simbahan ma-Dominggo- klaro?

Ang Ginoo dili relihiyuso nga malain kung dili kita mosunod sa panon sa uban. Ang importante ang tinguha sa atong mga dughan. Unsaon man nang halos nagpuyo na sa simbahan unya sige'g ingon og, “praise the Lord” unya maut kaayo'g batasan?

Bitaw, daut pod baya ko'g kinaiya. Kung duna may gamay'ng maayuhon-grasya ra gayud na ni Lord, igsuon.

Anyway, “fool” o “buang” god ang atong hisgutanan. Sutaon nato ang mga kamatuoran kung normal ba kita'g pagbati'g kahimtang o susama na ba kita sa mga “buang.”

Sa pagtuon, “buang” ang tawo nga “walay hinungdan” o “walay salabutan.” Ikaw, unsa man? Seriously, sa libro lang daan sa Proverbs o “mga Proverbio” ika-71 gibalikbalik ang pulong nga “buang” mao ato kini gamay'ng istudyohan.

Ang Salmo 14:1 nagkanayon nga buang ang tawo kung kini moingon nga walay Diyos tungod walay ni usa ka butang nga makapamatuod niini ilabi na kung ang nag-ingon wala sa bisan asa sa kalibutan o uniberso.

Ang Salmo 19 mismo ang nagpamatuod nga adunay Diyos tungod, “ang kalangitan nagapahayag sa himaya sa Diyos, ug ang kalangitan sa ibabaw nagmantala sa iyang buhat. Matag-adlaw siya nagapamulong ug matag gabii nagpadayag sa iyang kaalam.” AMEN?

Ang motuo ra pod niini kadtong nagatuo sa Bibliya nga buhing Pulong sa Ginoo- tama? Sunod Sabado mopadayon ta. Ayaw pagbugal-bugal o ka-buang ha? Bye!!!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!