SECTIONS
Tuesday, January 22, 2019
SUPERBALITA DAVAO

Bomb courier naharang, napatay

COTABATO CITY -- Usa ka bomb courier ang naharang sa gimuntar nga checkpoint ug napatay sa mga awtoridad human giingong misukol alas 9 sa gabii niadtong Huwebes, Enero 10.

Sumala ni Senior Superintendent Rolly Octavio, Cotabato City Police Office (CCPO) director, nga miagi sa checkpoint nga gimuntar sa mga sakop sa CCPO ug sa 5th Special Forces Battalion, Philippine Army ang gimaneho nga motorsiklo ni Talib Datukali Dingo kinsa giingong miyembro sa Bangsamoro Islamic Freedom Fighters.

Sa dihang gisita si Dingo, kalit kining mihulbot sa iyang armas nga kalibre .45 nga pistola ug gipabuthan ang mga awtoridad.

Way nahimo ang mga pulis ug sundalo ug gipusil ang suspek.

Narekober gikan sa U-box sa motorsiklo ni Dingo ang usa ka improvised explosive device (IED) nga gama sa bala sa 81 mm mortar.

Kahinumdoman nga niadtong Disyembre 31, 2018, usa ka IED ang mibusikad sa ganghaan sa South Seas Mall nga gikamatay sa 2 ka mga tawo ug miangol sa lain pang 37. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!