SECTIONS
Saturday, March 23, 2019
SUPERBALITA DAVAO

Raiding team giakusahan nga nanulis ug nangawat

MAGUINDANAO PROVINCE -- Giakusahan ni Bai Kristel, asawa ni Vice Mayor Datu Otho Montawal, ang mga awtoridad nga mironda sa ilang balay nga nagtangag sa P3 milyon nga kantidad sa mga alahas ug salapi nga P400 mil sulod sa vault.

Gawas niini, giakusahan sab niya nga gipanguha sa raiding team ang daghang kagamitan sa balay sa bise mayor ug mga binuhing kahayupan.

Tungod niini, naghangyo si Bai Krestil sa gobyerno og patas ug lawom nga imbestigasyon sa pagronda sa ilang balay niadtong Huwebes sa kaadlawon, Enero 10.

Kahinumdoman nga duha ka mga sekyu nga nagbantay sa balay sa bise mayor napatay human giingong nanukol sa raiding team nga gilangkuban sa Regional Mobile Force Battalion (RMFB14), Regional Intelligence Division sa Police Regional Office sa Autonomous Region in Muslim Mindanao (Armm), Datu Montawal Municipal Police Station, ug uban pa.

Mga napatay giila ni Chief Inspector Erwin Tabora, chief of police sa Datu Montawal MPS, nga sila si Mentak Alon, 21, ug igsuon niining si Belag, 22, mga molupyo sa Barangay Talapas, Datu Montawal sa nahisgutang probinsiya.

Ang ronda nahisubay sa search warrant nga giisyu ni Judge Alandrex Betoya kon diin ang target mao ang bise mayor ug amahan niini nga si Mayor Datu Vicman ug Andy Montawal.

Gipatuman ang search warrant gumikan sa giingong daghang mga armas nga gitagoan sa pamilya’ng Montawal ug mga gidiling druga.

Ang mag-amahan nga Montawal nahilakip sa narco-list ni Pangulong Rodrigo Duterte apan nahinloan kini pinaagi sa ilang gipalig-on nga war on drugs sa ilang lungsod.

Una nang gikanayon sa bise mayor nga wala sila malambigit sa gidiling druga ug pagpangdaut lang kini sa ilang pamilya nga dunay sagol pamolitika.

Pamatuod niini nga drug-cleared na ang mag-amahan pinaagi sa pagdawat nila og National Anti-Drug Abuse Council Performance Award gikan sa Department of Interior and Local Government. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!