SECTIONS
Sunday, March 24, 2019
SUPERBALITA CEBU

Nadela: Kapistahan ni Señor Santo Niño

PAGKAHUMAN sa selebrasyon sa bag-ong tuig nagmingaw na ang ubang dapit. Apan dinhi sa ato padayon pa ang kasadya sanglit nagkaduol na ang kapistahan ni Senyor Santo Niño. Gitakda kini karong Enero 19 ug 20.

Mao ni ang ika 454 ka tuig nga kasumaran sa iyang kapistahan. Duna hinuoy mga parukya sa ubang dapit sa nasod nga ang patron mao si Santo Niño ang sadya sab kaayo karon.

• • •

Niadtong Huwebes sa kadlawon ang pagbukas sa novena sa kapistahan, usa ka solemni nga prosesyon nga gitawag og Walk with Jesus ang gidagsa sa libo-an ka deboto.

Ilang gibaliwa ang katugnaw sa panahon ug ang hulga sa ulan. Moabot sa 300 mil ang bana-bana sa gidaghanon sa mga tawo nga nikuyog sa prosesyon ug nisalmot sa unang Misa Novena sa Basilica Minore del Santo Niño. Gikan sa Fuente Osmeña akong nasaksihan ang bagang duot sa mga tawo.

Ang kadaghanan nagbitbit og dinagkotan nga kandila ug nagkadaiyang gidak-on sa rebolto sa batang Jesus.

Sa gipasalig nang daan nagbaha sab ang gidaghanon sa mga pulis ug ubang ahensiya nga gisangonan sa kahapsay ug kalinaw.

Ang tibuok ruta may mga pulis sa masig ka kilid nga nagbantay. Didto sab ang daghang ambulansiya ug medical group. Mga communicators ug force multiplier.

Sa usa ka bahin sa dalan Osmeña Blvd. akong naagian si C/Supt. Debold Sinas ang pangu sa kapulisan sa rehiyon kauban ang pipila ka opisyal.

Samtang didto sa may eskina dalan Gonzales ug Magallanes, ako sab naabtan didto si Sr. Supt. Renato Dugan laing opisyal sa PRO-7 kuyog sa laing grupo sa mga pulis nga nag-atiman niadtong usa ka deboto nga nawad-an og panimuot. Gawas nila ni Col. Dugan duna pay daghang opisyal nga akong nakit-an sa palibot sa Basilica.

Di man hinuon garantiya nga ang ilang presensiya makapaislag sa mga badlongon, pero para nako lig-on kini nga mensahe batok sa mga dautan nga ang atong PNP andam ug tagana makig harong kanila pagpanalipod sa katawhan.

Gawas sa mga nawad-an sa panimout nga akong nasaksihan nga gitabang sa paramedics wa nakoy naobserbahan nga kasikas nga angayang ika alarma.

Gawas sa negatibong obserbasyon sa uban labot sa mga puthaw nga railing nga gikural sa Plaza Sugbo nga mao ang atubangan sa City Hall. Daghan ang nisaway sa maong paagi. Nakasabot ko sa katuyoan sa maong mga puthaw. Kini mao ang pagpahapsay sa pagsud og gawas sa Basilica.

Ang gikabalak-an sa uban basin mao ni maghatag og peligro kong dunay di maayong panghitabo.

Matod nila magbutang kini sa peligro sa mga tawo kong dunay dinaganay nga mahitabo.

Kong wala ang railing yano ra ang pag gawas ngadto sa luwas nga bahin. Mao na ang ilang bagulbul. Atong tan-awon kong may kausaban ba nga ipatuman.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!