KASAGARANG mga dalaga mangandoy nga makakita og lalaki nga ilang mahalon, mapakaslan, ug sa dayon maka-uban sa kalisod, kalipay ug kasakit. Apan subo palandungon nga di tanan makabaton og ingon ini nga relasyon kay daghan na sab ang mga luha nga na usik, dughan nga nangasakit ug pangandoy nga nalup-og.

Di lalim ang pagpangita og ma pares labi na sa panahon karon kay daghan na sab ang mang-gamitay ug mangingilad.

Unsaon man pag-ila sa lalaking malu-ibon?

Una, ang pagka babaero. Bad boy na daan ang lihukan sa wa pa mo’y relasyon. Ayaw pagdahom nga ikaw ra nag-inusara sa iyang dughan kay dunay puruhan nga mo biya kini kung naa na say laing makalingawan.

Dunay sekrito nga gitago sama sa ka text o ka chat. Kung mo bagting na gali ang telepono, dayon kini og palayo og tubag ug hinay kaayo ang tingog klaro nga dunay sekritong gitagoan. Kung imo galing pangutan-on kung kinsa ang ka-estorya, dayon og lihay sa tubag.

Puro na lang trabaho ang i-rason. Obserbahi kung kanunay gali nga di ka tubag sa text o tawag o di ka tunga sa date, kini dunay puruhan nga lain na ang gika-bisihan. Pasabot nga wa sab ka hagati og bili sa iyang kinabuhi o ba kaha di magpa estorbo kay wa nag gana makig kukabidlo nimo. Angay kining hinuktukan una magpahigot sa dayon.

Wa nay gana sa kama. Kung kaniadto game na game sa ‘sextime’, karon luoran o maglagot na sa imong pakulo. Di na kini halos mo balos paghalok ug wa nay gana mo romansa. Kadudahan nga kini dunay third party.

Mipilit nga baho sa babaye. Kung laing baho na imong masimhotan sa t-shirt o parte sa lawas labi na cologne o perfume nga pang babaye, kumprontaha gilayon unya kung ma-rattle o di magkadima-o ang tubag, angay gilayon sutaon.

Lisod pangitaon ang ti-onay nga gugma labi na karong panahuna. Kung di na matabang unya wa nay gugmang nahabilin, mas maayo pang kini lingkuran ug estoryahan aron ma desisyonan kung angay bang magbuwag kaysa magpabiling mag-antos sa way klarong kaminyu-on.