SECTIONS
Monday, March 18, 2019
SUPERBALITA CEBU

Hayan masirhan sa EMB

LAIN nga kalapasan na usab ang nakit-an sa Environmental Management Bureau (EMB) sa Davao City Environmental Care Inc. kabahin sa giingong di insakto nga paglabay sa mga medical waste gikan sa usa ka pribadong tambalanan sa dakbayan sa Mandaue.

Matod ni EMB 7 Director William Cuñado nga dugang penalty ang ipahamtang batok sa DCECI human dunay laing medical waste ang nakuha nga nag-utaw-utaw sa kadagatan sa Sitio Apro, Barangay Ibo, siyudad sa Lapu-Lapu sayo ning semanaha nga nakapangan sa University of Cebu Medical Center, diin ang DCECI usab ang tigkolekta ug maoy service provider niini.

“So, mag-add on na gyud na ang ilang mga penalty tanan. Leading to mosira gyud sila mao nang estoryaha. Pwerte nang dakoa nila og bayrunon ingana pagkaestoryaha kon kining tanan natong mga findings dako-dako man gyud ni,” sumala sa director dihang nahinabi sa Superbalita Cebu.

Wa pa hinuon makadawat og report si Cuñado gikan sa iyang mga sakop kabahin sa laing pakisusi nga gihimo sa nakit-ang medical waste nga nakapangan sa UCMed. Ang EMB 7 unang nakakaplag sa DCECI ug Chong Hua Hospital Mandaue and Cancer Center nga nakalapas sa mga provision sa Republic Act 6969 kun Toxic Chemicals and Hazardous Waste Management Act. SCG, FMD


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!