SECTIONS
Monday, March 25, 2019
SUPERBALITA CEBU

21 polis sa Daanbantayan gihulipan

HULIP. Si PRO 7 Director Debold Sinas (tunga, nagtalikod) nakigsulti sa mga pulis sa Daanbantayan dihang iyang gipahibawo nga silang tanan hulipan. (Hulagway ni Fe Marie Dumaboc)

TANANG mga pulis sa mga lungsod sa Daanbantayan sa amihanang Sugbo ug lungsod sa San Fernando, habagatang Sugbo, gipangrelibuhan.

Si Police Regional Director Debold Sinas mao ang nangunay sa pagduaw sa duha ka mga buhatan.

Unang giduaw ni Sinas ang Daanbantayan sa Sabado sa buntag, Enero 12.

Ang 21 ka mga pulis sa Daanbantayan uban ang ilang hepe, Senior Insp. Adrian Nalua, gipangrelibuhan.

Rason ni Sinas ngadto sa mga pulis nga nakadawat siya og mga intelligence report nga kanunay wa sa buhatan ang naka-duty unta nga mga pulis kay niuli sa ilang balay.

Walo sa 21 niini ang niangkon nga lumolupyo sa lungsod.

Laing gitug-an ni Sinas ngadto kanila nga tungod usab sa pagpanuko sa ubang mga pulis pagpangdakup kay mga kaila ra ang dakpunon, hinungdan nga menus ang anti-drug operation, diin 11 lang ang nabuhat sa 2018.

“Your relieve is for a cause. Dugay-dugay na mo diri. Your performance here is very bad. Pangit kaayo mo og performance. Unya if naay moduaw diri, pangitaon pa mo. Di ba panawagon pa mo sa inyong balay? Unya inyong operation for one year 10 ra ka buok..Sometimes, di manakop kay hadlok, kay diri sila gapuyo. Naa untay madakpan, di dakpon kay kaila man. So, we need to address that,” pagpahibaw ni Sinas ngadto sa gipangrelibuhan nga mga pulis.

Giangkon ni Nalua nga menus ang ilang accomplishment sa anti-drug operations tungod sa kakulang sa suporta sa nga residente sa lungsod.

Apan, matod niya nga ang 11 ka dakop nila atol tanan sa iyang pamunuan nga nagsugod lang niadtong Mayo 2018.

Karong Martes, Enero 15, kinahanglan na sila nga mo-report sa Regional Mobile Force Batallion (RMFB) sa Sibonga aron mapaubos na usab sa usa ka buwan nga moral recovery program.

Si Nalua gidestino isip bag-ong hepe sa lungsod sa Oslob.

Anaa na usab dayon ang mga mohulip kanila, ang 28 ka mga pulis nga gikan sa RMFB sa Sibonga nga panguluhan sa ilang bag-o nga hepe nga mao si Police Chief Insp. William Homoc.

Si Homoc hepe sa San Remegio police, silingan nga lungsod sa Daanbantayan.

Wa na makigkita pa si Sinas kang Mayor Vicente Loot, kinsa niadto pang 2016 gitangtangan sa iyang police supervisory power.

Gidawat

Dili na bag-o alang sa mga opisyal nga taga lungsod sa Daanbantayan ang pagkarelibo sa tanang mga pulis sa ilang dapit, apil ang hepe sugod pagka Sabado, Enero 12.

Sigon ni Daanbantayan Bise Mayor Gilbert Arabis nga gitahod niya ang kabubut-on ni PRO 7 Director Debold Sinas nga hulipan ang 21 ka mga pulis apil ang hepe sa ilang lungsod.

“We can’t do nothing about it. This is not the first time nga naay mga police officers nga gipang-relieve from their assignment,” pamulong sa bise mayor dihang nahinabi sa Superbalita Cebu pagka Sabado, Enero 12.

Sa habig ni Provincial Board Member Sun Shimura, matod niya, way problema alang nila ang pag-ilis sa tanang mga pulis sa Daanbantayan.

Alang sa bokal, wa siyay pagsupak niini kay gitahod usab niya ang pagbuot ni Sinas.

Apan siya nanalipod nga kon performance ang hisgutan, daghan na usab nadakpan ang mga pulis sa ilang lungsod nga nalambigit sa pagpamaligya og gidili nga drugas ug daghan usab sila og drug surrenderers.

San Fernando

Laing 21 ka mga pulis sa lungsod sa San Fernando ang girelibuhan Sabado sa hapon.

Gipangpulihan usab dayon sa 31 ka mga pulis gikan sa Regional Mobile Force Batallion sa Sibonga. Ang hepe sa San Fernando, Sr. Inspector Arvi Arbuis, gipahulipan usab kang Chief Inspector Lymel Pasquin.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!