SECTIONS
Tuesday, January 22, 2019
SUPERBALITA CEBU

Comelec checkpoint sugdan Enero 13

ANG Commission on Elections (Comelec) checkpoint sugdan na sa Dominggo, Enero 13, sa alas 12 sa tungang gabii, isip pagsugod na sa election period.

Usa ka rekoreda ang gihimo sa tanang mga police station sa tibuok Central Visayas Sabado, Enero 12, alas 4 sa hapon.

Ang uban ang nihimo gyud og motorkada, sama nalang sa Negros Oriental, sa Talisay City, Minglanilla, Mandaue City, ug Lapu-lapu City.

Gawas lang sa Cebu City nga usa sa gika-busyhan sa mga pulis ang pagsiguro sa kaluwasan sa mga nisalmot, nitan-aw sa Sinulog sa Kabataan sa Lalawigan ug sa uban pa.

Matud ni Chief Superintendent Debold Sinas, Police Regional Office director, nga ang gihimo nga rekoreda alang sa pagpahibaw sa mga nanag-iya og armas nga i-turn over una kini sa mga police station alang sa safe-keeping, tungod usab sa pagpatuman na sa gun ban.

Hangtud karon, matud ni Sinas, wala pay sa Central Visayas ang ni-apply alang sa gun ban exemption.

Ug ang uban gipahinumduman nga bisan kon lisensyado ug aduna permit to carry firearm, kon wa nakakuha og gun ban exemption, ug masakpang nagdala og armas sa gawas sa panimay, ang mahimo nga sikupon.

Gawas sa mas daghang ipahigayon nga checkpoint, mas gipahingusgan usab ang Oplan Bakal Sita, gani matud sa regional director nga aduna siyay ihatag nga ganti sa police station nga una makasikop og indibidwal o grupo nga nakalapas sa gun ban.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!