HAKOT award ang grupo sa lungsod sa Tagoloan sa bag-o lang natapos nga Kuyamis Festival Dance Competition nga natigayon Biyernes, Enero 11, sa Misamis Oriental Integrated Sports Complex (MOISC).
Mokabat sa P100,000 ang kantidad sa first prize isip kampiyonato samtang tag P10,000 ang kantidad nga naharbat isip mananaog sab gihapon sa Best in Costume ug Best in Storyline.
Naangkon sa lungsod sa Binuangan ang ikaduhang pwesto nga adunay premyo nga P75,000 ug laing minor award na Best in Choreography.
Ikatulo nga pwesto ang lungsod sa Sugbongcogon nga nakabitbit og kantidad nga P50,000 nga premyo lakip tropeyo samtang naangkon ang minor awards nga Best in Musicality ug Best in Street Dancing.
Gibutyag ni Atty. Jeffrey Saclot kinsa Provincial Tourism Head nga nalipay siya nga daghang lungsod mipartisipar karon nga Kuyamis Festival Dance Competition tungod kay kon kaniadto unom lamang nagtigi karon misaka sa 13 ka lungsod miparitipar.