GITUPNGAN sa Cleveland Cavaliers ang ilang franchise record nga 13 ka sunodsunod nga daog sa NBA human nila pukana kagahapon ang Orlando Magic, 115-106, sa sangka sa duha ka mga team nga maoy nag-abot sa Eastern finals sa niaging tuig.

Bisan tuod og sila mao gihapon ang nag-una karon sa East, apan kaduha na pildiha sa Cleveland ang Magic sa karon nga season.

Click here for stories and updates on the Sinulog 2010 Festival.

Si LeBron James niyagyag og 32 points ug 13 ka assists, ug iyang gitapos ang duwa pinaagi sa iyang pito ka puntos sulod lang sa tulo ka minutos.

Sa samang higayon, ang Orlando wa gyud maka-score sulod sa singko minutos sa ikapuat nga kwarter diin ang Cleveland, gikan sa dos puntos nga labaw, mipabukad niini ngadto sa 105-98 nga bintahan.

Ang gipaabot nga match up tali ni Shaquille O’Neal ug Dwight Howard wa gyud makita tungod kay pulos sila na foul trouble.

Sa laing duwa, ang San Antonio Spurs nipaampo sa Denver Nuggets, 111-92. Si Geroge Hill kinsa maoy nihulip sa na-injured nga Tony Parker, mitali og 17 puntos samtang si DeJuan Blair midugang usab og laing 17 puntos alang sa Spurs.

Wa makaduwa sa Nuggets ang ilang best defensive player nga si Kenyon Martin tungod sa tendonitis sa iyang wala nga tuhod.

Si Nene nipugnit og 20 puntos alang sa Nuggets.