SECTIONS
Monday, March 25, 2019
SUPERBALITA DAVAO

Editoryal: Nagmatinud-anon

UNSA kahay reaksiyon sa mga nagbatikos sa pagdumala ni Pangulong Rodrigo Duterte sa nasud nga hangtud karon taas pa man gihapon ang iyang trust ug approval rating?

Kini base na sa migawas nga pinakabag-ong resulta sa survey sa Pulse Asia kon diin gikan sa 76 porsiyento misaka pa kini ngadto sa 81 porsiyento.

Di na maihap ang gibato nga mga isyu batok kang Pangulong Duterte sukad siya milingkod sa puwesto niadtong 2016.

Naa ang akusasyon nga nagyatak siya sa tawhanong katungod ilabi na sa iyang war on drugs. Duna say isyu bahin sa iyang panglawas nga giingong himalatyon na kay di mosulti sa iyang kahimtang sa lawas.

Apan ang mga tawo wala mituo sa maong mga akusasyon kay nakita kini karon sa nanggawas nga resulta sa survey nga taas gihapon ang siya og rating hangtud ning panahona.

Giklaro sa Malacañang nga ang war on drugs sa kagamhanan nagsubay sa balaod. Apan tungod kay dunay mga nalambigit niini nga misukol atol sa operasyon, di malikayan nga mapatay sila sa mga awtoridad.

Ang mga akusasyon ngadto kang Pangulong Duterte bug-at kaayo apan ang katawhan wa magpadala sa istorya kon di ang tinuod nga nahitabo sa palibot.

Nakita sa tawo ang pagkamatinud-anon sa gobyerno sa iyang saad nga iangat ang kahimtang sa mga Pinoy ug hinloan ang pagkuyanap sa druga, kurapsiyon ug kriminalidad sa katilingban.

Panaad kini ni Pangulong Duterte panahon pa sa kampanya ug hangtud karon nakatutok pa gihapon ang iyang paningkamot alang sa hingpit nga pagkab-ot niini alang sa katawhan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!