NORTH COTABATO -- Usa ka tawo ang namatay ug daghan ang naospital tungod sa dengue sa dakbayan sa Kidapawan.
Ang namatay giingong molupyo Sitio Martinez, Barangay Birada sa nahisgutang siyudad.
Gawas sa namatay, moabot sab sa 71 ka tawo ang nadala sa tambalanan.
Sa mulo sa katawhan sa Barangay Birada nga human sa gipahigayon nga fogging operation, mas midaghan pa ang nagkasakit og dengue.
Giklaro ni Kagawad Arman Felomina, chairman sa Committee on Health sa Barangay Birada, nga unta sa wala pa ang fogging operation nagpahigayon una og cleanup drive.
Giaghat ni Felomino ang katawhan sa barangay nga manghinlo gawas ug sulod sa ilang mga balay apil na ang pagsunod sa 4 o'clock habit aron malikayan ang sakit nga dengue.
Milihok na sab ang lokal nga panggamhanan ug City Health Office aron mapugngan ang pagtaas sa ihap sa nagkasakit sa dengue. (Edgar E. Fuerzas)