SECTIONS
Monday, June 24, 2019
SUPERBALITA CEBU

Radical nga solusyon

KAY naa na man ang Sinulog fever ug nagsugod ang nobenaryo alang kang Sr. Santo Niño, common kaayo sa social media ang mga reklamo sa kahuot sa traffic. Bisan asa karong dapita sa dakbayan sa Sugbo, grabe ang kahimtang sa trapiko.

Di usab mahutdan og tawo ang Basilica Minore del Santo Niño. Ambot asa gikan ang mga tawo nga kada misa naa may daghan sa sulod sa compound sa Basilica nga sud sa walo ka tuig, hapit ko kada adlaw moduaw kay among tulo ka mga anak nagtungha man sa elementarya sa Colegio del Santo Niño.

Naghuot ang mga sakyanan, apan kaming nag scooter ug nagmotorsiklo, kanunay makalusot. Di ko maka imagine sa four-wheel vehicle owners ug riders, nag-antos.

Sa ako nang giingon dinhi makadaghan, to beat traffic is to ride a two-wheeled transport, either biskelita or motorsiklo. Bisan pag unsaon nato og yawyaw sa social media, way mahimo ang atoang leaders pagpiog sa volume sa mga sakyanan nga magdungan sa pagpanggawas. Unless mohimo silag drastic nga mga lakang.

Di magdungan

Ang akong suod nga higala nga nagbase na sa Las Vegas, Nevada, niingon nga dunay mga schedule ang mga tunghaan ug business establishment sa ilang pag-open. Gitumong ni aron di magdungan ang tanang mga sakyanan sa paggawas ug pagsubay sa karsada.

Dunay magbukas og alas 7, 8, 9 ug uban pang mga oras. Apan dinhi sa atoa, hapit tanang klase sa mga tunghaan magsugod og alas 7:15 sa buntag. Ang mga trabahoan sa alas 8 sa buntag. Magdungan sab ang pagpamuhi sa hapon. Naa bay di maghuot sa trapiko ang karsada?

Imagine, alas 5 pa lang sa buntag kinahanglan ka nang mag-atang og kasakyan sa karsada aron di ka maabtan sa paghuot sa trapiko sa alas 6:30 sa buntag. Aron usab di ka maglisod sa pagsakay. Mao nang maghuot ang mga sakyanan sa dalan kay nagdungan sa pagpangabli ang tanang mga tunghaan ug business establishments.

Kon di maghimog radical nga lakang ang kagamhanan ug uban pang stakeholders, kining suliran sa trapiko di pa mao.

Pangitag solusyon

Busa, pangitaig solusyon ang imong problema. Kon ikaw tinun-an nga nagpuyo lang mga dos kilometros, nganong di ka man magbiseklita? Nganong ang mga school administrator di man modasig sa ilang mga tinun-an sa pagbiseklita uban sa paghimog represenstasyon sa kagamhanan aron mag-pressure niini sa pagbutang og bike lanes?

Daghan pa ang mahimong lakang aron pagpilde sa trapiko. Kinabag-an kanato nakatutok sa problema, wa sa pagpangitag solusyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph