PINANGGA, swerti, paborito o maayo lang gyud mo-arte si Albert Martinez nga di man gyud mawagtangan og proyekto.
Bilib ko aning Albert kay bisan unsa nga papel mapa-bida o kontrabida, mahatagan gyud niyag hustisya. Usa siya ka maayong ehemplo labi na sa mga batan-ong artista.
Kon gimahal ninyo si Albert isip bana ni Beauty Gonzales, amahan ni Dimples Romana, lolo ni Andrea Brillantes ug ama-ama ni Francine Diaz sa matag hapon nga seryeng “Kadenang Ginto”, hapit na usab nato siya masundan sa primetime sa seryeng The General’s Daughter sa primetime. ay’g saba!
Showing na karong Enero 16 ang pelikulang “Sakaling Maging Tayo” nilang McCoy de Leon ug Elisse Joson o nailhan sa loveteam nga “Mclisse.”
Pero hinog na ba ang ilang loveteam para sa launching movie nila? Unang nakita nato ang duha sa pelikula ni Coco Martin nga “Ang Panday” apan nasundan nato ang ilang panag-pares una sa Pinoy Big Brother house.
Kay ni-klik ang ilang tandem nasundan pa ang ilang mga proyekto, sama sa “The Good Son” ug “FPJ’s Ang Probinsyano.” Sa ilang launching movie mapakita kaha nila dinhi nga puwede na ilakip ang ilang loveteam sa liga nilang “Joshlia”, “Lizquen”, “Jadine” ug “Kathniel”? ay’g saba!
Dako ang pasalamat ni Yam Concepcion sa teleseryeng “Halik” kay mao kuno ni ang pinakanindot nga nahitabo niya sa tuig 2018. Bisan asa nga interbyu dili gyud mahimong dili mahisgutan ni Yam ang “Halik.”
Namugna ang pambansang kabit nga titulo ug si Yam ang may korona niini. Maski asa siyang dapita moadto dili gyud mapugngan ang katawhan nga di motawag niya og “Jade” nga maoy pangan sa iyang karakter sa “Halik”. Nagpasalamat usab siya sa tanan kuno niyang haters ug bashers, ay’g saba!