SECTIONS
Monday, January 21, 2019
SUPERBALITA CEBU

Editoryal: Makaayo o di?

Editorial Cartoon by John Gilbert Manantan

GIPANGRELIBUHAN ang tanang mga pulis sa Daanbantayan sa Sabado sa buntag ni Regional Police Director Debold Sinas. Iyang gipasabot ang kapulisan nga iyang gihimo ang lakang tungod sa iyang giingon nga kabati sa ilang performance.

Moabot ra og 11 ang anti drug operations ug ang mga pulis kanunay manguli sa ilang balay bisan kon on-duty. Mao nang kon dunay manawag o mangitag pulis sa station, way madali-dali og sangpit. Tinuod man kini o di, angay nang hulipan ug ibalhin ang mao nga mga pulis.

Too familiarity sa usa ka lugar di maayo.Samot na kon naa ka nagpuyo sa mao nga dapit. Di kaha ka maikog nga manakop sa imong kabanay, kababata o higala o ilang mga paryente.Di kaha ka magpangikog o o madala sa hangyo?

Kon kadaghanan kanila mga taga lungsod ra usab, di ikahibung kon menus na ang mga operasyon. Tipik na baya sa atoang kultura ug batasan nga magpangikog bisan lang gani sa atoang mga kaila. Sayon ra usab mahangyo.

Tukma usab ang mao nga lakang tungod sa nagsingabot nga eleksyon. Mahimong di na ma-neutral ang mao nga mga pulis sa ilang pagpatuman sa balaud sa eleksyon kay posibleng dunay labanan ang ilang tagsa ka pamilya ug maimpluwensya sila.

Masabot usab nga wa na pahibaw-a si Mayor Vicente Loot sa paghulip ni Sinas sa mga pulis sa lungsod kay niadtong 2016 pa siya gikuhaan og police supervisory power human siya pasanginli ni Presidente Rodrigo Duterte nga nalambigit sa illegal drugs.

Mahimo ba kaha sa mga pulis karon ang ilang tahas sa paghingusog sa kampanya batok sa illegal drugs ug kriminalidad? Makuha ba kaha nila ang pagsalig sa katawhan nga pulos man sila mga estranyo sa dapit, gikan sa hepe ngadto na sa labing ubos og ranggo? Unya, di pa maayog relasyon sila sa mayor. Atanganan pa kon unsay epekto ning lakang ni Sinas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!