SECTIONS
Sunday, March 24, 2019
SUPERBALITA CEBU

2 nang treatment plant

MAHIMO nang duha ang septage treatment facility sa Metropolitan Cebu Water District (MCWD) human mapirmahi ang tripartite memorandum of agreement tali sa kagamhanan sa lalawigan sa Sugbo ug siyudad sa Sugbo.

Niadtong Biyernes, Enero 11, gipirmahan na usab ang mga dokumento alang sa Septage Management Program sa Metro Cebu tali sa MCWD ug Japan International Cooperation Agency (JICA) sa Dignitaries Hall sa Kapitolyo.

Nangu sa uwahing paglagda si MCWD General Manager Jose Eugenio Singson Jr. ug Hiromichi Murakami, senior deputy director general sa Global Environmental Department sa Jica.

Ang pinirmahay gisaksihan ni Gobernador Hilario Davide III, chairman sa Metro Cebu Development and Coordinating Board (MCDCB) ug Norihiko Nomura, director general sa Environmental Planning Bureau sa City of Yokohama sa Japan.

Sumala ni Charmaine Rodriguez-Kara, tigpamaba sa MCWD, nga human sa pinirmahay, iduso na nila ang mga rekisitos ngadto sa Jica ubos sa kagamhanan sa Japan alang sa P1 bilyones nga proyekto nga gipaabot mahuman sa 2021.

Ang unang STF naa sa Brgy. San Miguel, lungsod sa Cordova nga dunay kapasidad nga 150 cubic meters matag adlaw.

Samtang, ang ikaduhang STF anha tukoron sud sa kapin 1.3 ka ektarya nga luna nga gipanag-iya sa Cebu Provincial Government sa North Reclamation Area, siyudad sa Sugbo nga gibaylo sa kagamhanan sa siyudad sa Sugbo tali sa Kapitolyo ubos sa 93-1 nga kasabotan. SCG


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!