SECTIONS
Thursday, June 27, 2019
SUPERBALITA CEBU

Card sa ferry boat sa Mactan gilusad

Card. Ang Topline Express milusad sa ilang card nga magamit ug mopasayon sa pagsakay sa ilang ferry boat. Nangulo niini mao si House Speaker Gloria Macapagal Arroyo (tunga). Miabag usab si Lapu-Lapu City Mayor Paz Radaza (ikaduha gikan sa wala). Naa usab ang mga opisyal nga sila si Brigette Lim-Mueller (wala), vice president for operations ug Eugene Eric Lim (tuo), operations manager. (Allan Cuizon)

SUGOD sa Pebrero 1 karong tuiga, napanglantawan nga mas maminosan pa ang kahasol sa mga pasahero nga magbiyahean gikan sa dakbayan sa Lapu-Lapu paingon sa dakbayan sa Sugbo ug pabalik.

Kini human ang Topline Express, ang labing bag-ong ferry boat nga magbiyahean sa dakbayan sa Lapu-Lapu ug Sugbo agi sa Mactan channel, molusad na sa ilang Topcard alang sa mga sumasakay.

Ang card gikatakdang mapahimuslan sa mga pasaherong di na gustong molukat og tiket sa ilang pagsakay sa naasoyng ferry boat.

Sa higayon nga ang sumasakay aduna nay Topcard, igo na lang unya niya nga i-swipe ang iyang card sa gate sa Mactan wharf diin manukad ang naasoyng ferry boat.

Mahimo nang makasakay diritso nga di na moagi og kuti sa ticketing booth.

Matod ni Eugene Eric Lim, operations manager sa Topline Express, ila kining nahuna-hunaan aron di na maglinya-linya pa ang mga pasahero aron molukat og ticket sa ilang booth.

Ang usa ka card mahimo ra nga mapalit sa ticketing booth sa Topline.

Ang P999 sa Topcard mahimong magamit sud sa 30 ka adlaw; P599 sud sa 15 ka adlaw; P299 sud sa pito ka adlaw samtang P49 ang usa ka adlaw nga pulos way limit.

Gibutyag ni Brigitte Lim-Mueller, vice president for operations sa Topline, nga agi og paghatag unya sa mga sumasakay og gamayng pahalipay, sila mohatag og 500 ngadto sa 1,000 ka mga libreng card sa Pebrero 1.

“We’re working on the mechanics pero I think mo sign out ang customer nga mo-avail ana sa atong ticketing booth. Mo–announce ta ana sa atong mechanics sa Facebook page nato puhon,” matod pa ni Lim.

Gihangop ni Land Trasnportation Office (LTO-7) Director Victor Caindec ang pag-operate og mga ferry boat sa kadagatan sa Mactan sanglit iyang giangkon nga grabe na ang suliran sa trapiko sa Metro Cebu.

Alang niya mas maayo nga mag ferry boat ang katawhan labi pa ang mga trabahante sa dakbayan sa Lapu-Lapu ug Sugbo aron mas dali ang ilang biyahe.

Sa Sabado sa buntag, gilusad ang Topline Express human sa pasiunang soft opening sa uwahing bahin sa miaging tuig.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph