SECTIONS
Thursday, June 27, 2019
SUPERBALITA CEBU

Talisay kampyon

Kampeyon. Ang Talisay City Central School sa Talisay City Division ang kampeyon sa Sinulog sa Kabataan sa Lalawigan nga gipahigayon sa Sabado, Enero 13. (Alex Badayos)

ANG Enero 12 mapait ug matam-is nga halandumon sa Talisay City Division.

Ning adlawa sa miaging tuig, ang team nagbangutan sa kalit nga kamatayon sa ilang assistant choreographer.

Aron paghalad ug pagsaulog sa unang anibersaryo sa iyang kamatayon, ang performance sa Talisay sa Sinulog sa Lalawigan sa Sabado nagsentro sa pag-ampo alang sa kapahulayang dayon.

Tungod sa kalatalagsaon sa konsepto, ang team nidaug sa ilang ikaunom nga grand prize sa 2019 Sinulog sa Kabataan ug ningdala sa P350,000 cash prize.

“Personally, kusog gyud ko magpa-misa para sa mga patay. Every Monday, moadto gyud ko sa menteryo para magpa-misa or managkot. Matod pa sa akong mga kauban, ang mga kalag kuno kusog mo-ampo ug mohatag og grasya. Na-tribute pud siya para sa akong right hand, ” matod ni Marvey Caño, head choreographer sa Talisay.

Laing mga mananaug sa ritual showdown mao ang Carcar City Division sa second place nga dunay P300,000 plus P20,000 sa choreographer; Tribu Malipayon sa Consolacion sa third place nga may premyong P250,000 plus P15,000 sa choreographer; Sining Sto. Niño Folkloric Troupe sa City of Bogo sa ikaupat nga dapit nga dunay P200,000 plus P10,000 sa choreographer; ug Tribu Ginatilanon (Ginatilan) sa fifth place nga may premyong P150,000 plus P5,000 sa choreographer. RTF sa Sunstar Cebu


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph