MILUWAT karon og pamahayag si President Rodrigo Duterte nga duna siya'y plano sa pag-isyu og usa ka executive order (EO) nga mapatuman ang total ban sa paggamit ug paggama og pabuto sa tibuok nasud.
Ang pagbutyag sa presidente bunga sa panglantaw nga kubsan ang mga biktima sa firecracker-related injuries sa nasud sa pagselebrar sa Pasko ug sa pagsugat sa Bag-ong Tuig.
"The law itself is wide open for me to play and I will issue the executive order at this early para warning na doon sa lahat (as a warning to everyone) that I am banning firecrackers altogether," ingon sa Pangulo atol sa iyang pamulong sa San Jose del Monte, Bulacan.
"I will ban firecrackers. Wala na (No modee). I cannot... Bakit ako papayag na noon 700 dead tapos may maski isang bata lang mawalan ng kamay (Why will I allow? Before there were 700 dead, even a child can lose his hand. So as a President, why would I allow it?" dugang sa Chief Executive.
Kini na seguro ang labing maayong pamaagi aron hingpit na nga makunhuran ang biktima sa pabuto ug hingpit nga mawala na gayod pag-abot sa mga panahon.
Kay ang pagpanghadlok sa Department of Health (DOH) nga ipakita ang mga gabas diha sa publiko nga maoy moputol sa parte sa lawas sa tawo nga biktima sa pabuto, padayon gihapon ang pagsaka sa mga nabiktima matag Disyembre.
"Sarahan natin ‘yan. That’s a last chapter ‘yung firecrackers-firecrackers," sulti sa Presidente.
Sa laktud, kaayohan sa tanan ang gitan-aw sa presidente ug kini angay nga suportahan.