DI ibalhin ni Police Regional Director Chief Supt. Lani-o Nerez ang iyang deputy for operations nga si Sr Supt. Vicente Loot gawas sa PRO-7.

Nasayran si Engr. Augusto Corro nidagan sa pagka-mayor atbang sa asawa ni Loot nga si Bise Mayor Maria Luisa Loot nipadalag suwat ni Nerez aron mabalhin si Loot.

Click here for stories and updates on the Sinulog 2010 Festival.

Kini tungod sa giingong pagpanghilabot ni Loot sa kalihukan sa pulitika sa ilang lungsod sa Daanbantayan.

Matod ni Nerez nga wa pa siya makadawat sa maong suwat.

Apan iyang gitataw nga si Loot di angay hulipan tungod sa iyang posisyon nga dako kaayog nahimo dinhi sa Central Visayas.

Gawas pa ang posisyon ni Loot dili direktang makapanghilabot sa kalihukan sa iyang lungsod.

Gitataw ni Nerez nga labot sa pasangil nga nang-hilabot si Loot sa kalihukan sa pulitika sa iyang lungsod wa siya makadawat og taho labot sa maong pasangil.

Bisan pa gani niadtong 2007 diin anaa gihapon ang maong pasangil diin siya mismo ang nisusi wa gihapoy kamatuoran.

Si Nerez niingon nga natural lang nga mopauli si Loot sa iyang lungsod aron duna usab siyay panahon sa iyang pamilya.

Apan kon sa iyang pagpauli mangampanya kini pabor sa iyang asawa ug anak, lahi na usab kini nga estorya, matod ni Nerez. (DRT)