GI-AMBUSH and mga myembro sa 94th Infantry Battalion Lunes sa buntag, Enero 14, sa mga armadong kalalakin-an nga gitouhang mga sakop sa New Peoples Army samtang padung kini nga mag lubong sa gipatay nga Cafgu sa syudad sa Guihulngan niadto milabayng semana.
Ang duha ka section sa 94th Infantry Battalion nga nag base sa Guihulngan luwan sa 6 by 6 nga gipangulohan ni Cpt. Joshua Lodrigito ang gi banhigan sa mga NPA.
Ang lubong sa gipatay nga Cafgu ipahigayon unta sa Sitio Caningag, Barangay Linantuyan Syudad sa Guihulngan. Matod ni Sr. Supt. Raul Tacaca, hepe sa Negros Oriental Provincial Police Office nga gi-ambush sila sa pag abot sa mga army sa sitio Kapudlasan, Barangay Banuage.
Wala pay gi report nga naigo sa habig sa militar apan gipahibawo ni Col. Tacaca nga padayon ang hinukdanay sa mga sundalo sa maong dapit nga milanat sa 20 minutos ang pinusilay.
Lakip sa miabag na sa pag lutos sa mga armadong NPA mao ang mga pulis sa Guihulngan ug ang Regional Mobile Force Battalion 7.