DUL-AN sa usa ka milyon ka pesos nga balor sa illegal nga drugas ang naskamit sa mga sakop sa Regional Special Operations Group 7 batok sa giilang high value target sa Purok Makiangayon, Barangay Talay, Syudad sa Dumaguete Lunes sa hapon, Enero 14.
Ang mga nangadakpan giila nga silang Niel Alcoran 31, srug surrenderee sa gilusad nga oplan tokhang sa kapulisan ug Ernie Olasiman, 38 taga Bung-ao, lungsod sa Valencia lalawigan sa Negros Oriental.
Nakuha gikan kanila ang 70 gramos nga gituohang shabu nga gibana-bana nga mobalor ang tanan sa P826,000.00.
Matod ni Sr. Insp. Tero hepe sa RSOG 7 nga niadto pang miaging buwan ilang gipaubos sa surveillance silang Alcoran ug laing kauban niini apan sa gihimong buy bust operation nakasibat ang ilang target.